2023ko mailegatuenak

2023a aldaketa urtea izan da, zalantzarik gabe, KMKrentzat: webgune berri bat, logo berri bat, obren hasiera... Gu guztion indarra eta erresilientzia beharrezkoa izan da, dinamika eta egoera berrietara egokitzeko: liburutegiko funtsak birkokatzea edo egoitza berriak irekitzea, besteak beste. Eta hori guztia helburu bakar batekin: bertako erabiltzaileei zerbitzuak eskaintzen jarraitzea. Hori izan zen udako erronketako bat... eta baita lorpenetako bat ere, uztailaren 26an jarri baitzen martxan Liburutegiaren mailegurako gune berria. Hainbat hilabetez jendearentzat irekita egon ondoren eta euren arabera, leku atsegina eta gertukoa bilakatu da.

Espazio horretara KMK-ko erabiltzaileak joaten jarraitzen dute, eta 2023an ia 50.000 dokumentu eraman dituzte maileguan. Baina, zeintzuk izan dira gehien irakurri diren liburuak eta gehien ikusi diren filmak? Ikus dezagun!

 

Datu batzuk

Guztira 49.454 mailegu izan dira, eta horien artean aipatzekoak dira fikziozko liburuak (eleberriak, antzerkia, poesia...) eta ez-fikziozkoak (gai desberdinei buruzko lanak), maileguen % 62 baino gehiagorekin. Ondoren, % 24 inguruko mailegua duten telesail eta filmak daude, eta ia % 8,5eko mailegua duten komikiak. Musikak, % 4,46ko mailegu-indizea izan du iaz.

 

 

Titulu batzuk

Baina, zeintzuk dira bereziki gustatu zaizkigun liburu horiek? Eta telesail eta film ikusienak? Urteko TOP 10a erakutsiko dizuegu, eta, ondoren, beste xehetasun batzuk azalduko ditugu. Beraz, hemen dituzue 2023ko 10 dokumenturik mailegatuenak:

 

Ez-fikzioaren esparruan, oso interesgarria izan da biografia eta biografia literarioek edo bidaia-liburuek sortzen duten interesa egiaztatzea, gai historikoei, ekonomiari eta psikologiaren alderdiei buruzko lanekin batera. Zerrenda honetan, nola ez!, azken hilabeteetan etengabe entzun ditugun izenak aurkituko ditugu: Rosa Montero, Nora Ephron edo Irene Vallejo, Stephan Zweig handiaz gain, besteak beste.

 

Eta hizkuntzez ari bagara? Zeintzuk izan dira euskaraz idatzitako lanik mailegatuenak? Hemen dituzue:

 

Ikusiko duzuenez, 2023ko sortzaile irakurrienen artean hainbat emakume daude: Uxue Alberdi, Arantxa Urretabizkaia, Oihana Iguaran, Eider Rodriguez, Dolores Redondo, Cristina Campos, Eva García Sáenz de Urturi, Luz Gabás... Zerrenda gero eta zabalagoa eta anitzagoa da, literatur sorkuntzaz haratago, emakume asko aurkitzen baititugu zinemaren edo musikaren munduan.

Eta amaitzeko, urteko zinema-ekitaldietako bat, Oscar sariak, hurbiltzen ari den honetan, 2023ko 10 film arrakastatsuenak ekarriko ditugu KMKra.

 

Ikusi dituzue? Hala ez bada, badakizue, hurbildu Errege-Erregina Katolikoen kaleko 16. zenbakira eta eraman film hauek edo beste batzuk etxean gozatzeko.

Segi irakurtzen! Jarrai dezagun zinema ikusten! Jarrai dezagun musikaz gozatzen! Jarrai dezagun kultura bizitzen!

Zuen zain gaude KMK liburutegian!