Luis Martín-Santos: Iraultza eta forma

Luis Martín-Santos: iraultza eta forma Jardunaldiak bere garaiko bizitza literario, politiko eta zientifikorako gorazarre gisa aurkezten dira, bai eta bere ekarpenak eta bere eragina gure orainean aztertzeko eta hedatzeko aukera gisa ere.

Luis Martín-Santos idazle "iraultzailea" izan zen; bere Tiempo de silencio-k mugarri bat jarri zuen gure herriko literaturan eta behin betiko aldatu zuen bere ibilbidea. Baina politikari konprometitua ere izan zen, diktadura frankistaren aurka aktiboa. Eta medikua, zientziak gizartean duen berebiziko zereginaz eta, beraz, gizartearekiko dituen erronka eta erantzukizunez jabetuta.

Gaur egun inoiz baino beharrezkoagoak eta premiazkoagoak iruditzen zaizkigu gai artistiko, zientifiko eta politiko horiek guztiak.

Jardunaldiok orainaren gako eta eskakizun horiei erantzun nahi diete, literatura zientziarekin eta politikarekin uztartuz, eta hitza argazkigintzarekin eta zinemarekin ere lotuz.

Bertara joateko beharrezkoa da izena ematea:
Tl. 943 11 28 93  (08: 30etik 14:30era)
programazioa@gipuzkoa.eus

Ekainak 1, asteartea, 18:00  (filma gaztelaniaz; solasaldia euskaraz eta gaztelaniaz)
Tiempo de silencio (Vicente Aranda, 1986) filmaren emanaldia.
Ondorengo solasaldia Begoña del Tesoren eskutik: Luis Martín-Santos zinematografiako izaki bat izan al daiteke?

Ekainak 2, asteazkena, 19:00 (gaztelania)
Ciencia y política
Isabel Solaren eta Rafael Bengoaren arteko elkarrizketa. Moderatzailea: Lourdes Pérez.
Isabel Sola biologoa da. 25 urte baino gehiagoz koronabirusen biologia aztertu du, oinarrizko ezagutza hori birusetik babesteko estrategien garapenean aplikatzeko asmoz. Nazioarteko hainbat birologia-aldizkarietako, Virus-Koronabiruseko Taxonomiako nazioarteko batzordeko eta Biosegurtasuneko komisio Nazionaleko batzorde editorialeko kide da. Gaur egun, Luis Enjuanes doktorearekin batera, CNB-CSIC Bioteknologiaren Zentro Nazionaleko Koronabirus laborategiko zuzendarikidea da. Bertan, SARS-CoV-2 birusaren patogenizitate-mekanismoak aztertzen dituzte, txertoak garatzeko eta birusen aurkakoak identifikatzeko. Bere taldea Ikerketa Zientifikoen Kontseilu Nagusiaren (CSIC) hiru txerto-hautagaietako bat garatzen ari da: RNA autoerreplikatiboak dira, birusaren zenbait proteina adierazteko ugaltzen direnak eta erantzun immune indartsua eta orekatua eragiten dutenak, baina hedatzeko eta kaltea eragiteko gaitasuna galdu dute, eta, beraz, oso seguruak dira.
Rafael Bengoa medikua eta osasun komunitarioko espezialista da Londresko Unibertsitatean. Europako, Espainiako eta Euskal Herriko Parlamentuari zuzendutako gizarte-politikako eta osasun-kudeaketako hainbat dokumentutan ikus daiteke haren arrasto profesionala. Hamabost urtez lan egin du Osasunaren Mundu Erakundean, eta bertan egon zen Gaixotasun Kronikoen Zuzendaritzan eta, ondoren, Osasun Sistemen Zuzendaritzan, 2007ra arte. Europar Batasuneko Horizonte 2020ko presidenteordea izan zen. 2009an, Eusko Jaurlaritzako Osasun eta Kontsumo sailburu izendatu zuten, eta handik zuzendu zuen Osasunaren eraldaketa, paziente kronikoen premietan oinarritutako eredu jasangarriago, teknologiko eta proaktiboago baterantz. Patricia Arratibelekin batera, Institute for Health and Strategy (SI Health) institutua zuzentzen du, Espainian eta Irlandan, Eskozian, Ingalaterran edo AEBetan gobernuak eta osasun eta gizarte erreformak babestuz.

Ekainak 3, osteguna, 19:00 (gaztelania)
Tiempo de silencio: un antes y un después literario
Justo Navarro eta Alba Carballalen arteko elkarrizketa. Moderatzailea: Ylenia Benito.
Justo Navarro Granadan jaio zen. Los nadadores, Un aviador prevé su muerte eta Mi vida social poema liburuak argitaratu ditu, baita El doble del doble (Seix Barral), Hermana muerte (Alfaguara), Accidentes íntimos, La casa del padre, El alma del controlador aéreo, F. Finalmusik, El espía, Gran Granada eta Petit Paris (guztiak Anagraman) eleberriak ere. El videojugador. A propósito de la máquina recreativa (Anagrama) saiakera ere argiratu du.
Alba Carballal idazlea eta arkitektoa da. 'Tres maneras de inducir un coma '(Seix Barral, 2019) eleberria, Antonio Gala Fundazioan Sortzaile Gazteentzat idatzia, El Culturalen urteko opera prima onena aukeratu zuten. Arkitektura Bizian erredaktore, hainbat liburu eta argitalpen espezializatutan itzultzaile, Late Motiv eta LocoMundo saioetan gidoilari eta gidoigile lanetan aritu da. Vocento taldeko egunkarietako zutabegilea da eta, Dario Adantirekin batera, 'Milenarismoa' podcast-a zuzentzen du. Gaur egun, Manolito Gafotasen 'head writer' da, Elvira Lindoren eleberrietan oinarritutako ekoizpen sail estatubatuar bat, 'El día menos pensado' (Amazon Prime) telesaileko gidoilaria. Irailean haurrentzako lehen diskoa kaleratuko dute, 'Tu hogar en cualquier sitio' (Flamboyant, 2021). Alderdi akademikoari dagokionez, Madrilgo Arkitektura Goi Eskola Teknikoko Ondare Arkitektonikoaren Programan XIX. eta XX. mendeetako Madril prosazko literaturari buruzko tesi bat garatzen ari da.

Ekainak 4, ostirala 19:00 (gaztelania)
De paseo por el San Sebastián de Luis Martín-Santos
Ángel García Ronda eta Javier Minaren arteko elkarrizketa. Eva Monente moderatzailea.
Ángel García Ronda Geografian eta Historian lizentziaduna, ekonomialaria, kontu-auditorea. Enpresa Zientzien Fakultateko irakasle ohia da. Gorteetako diputatu ohia (1982-1996). Narratiban, honako hauek osatzen dute bere lana: La levadura, Garibaldi está cansado, La respuesta, San Juan de la Soledad, eta bost kontakizun liburuki. Poesian: metalaren nekeak. Bere saiakeraren izenburuak hauek dira: La transformación de la foralidad guipuzcoana, Breve parte de Guerra etaLa imaginación literaria. Artikulugilea ere bada prentsan eta literatura-aldizkarietan.

Javier Mina (Iruñea, 1950). Biologiako ikasketak Nafarroako Unibertsitatean, Literatura Konparatuan lizentziaduna Sorbonan. Ateneista, Bitarte humanitate aldizkariaren zuzendaria eta Antiqva jardunaldien antolatzailea. Idazle, margolari eta argazkilaria, erakusketa ugarirekin. Besteak beste, Las camas de Emma (Irun Hiria saiakera Saria 1990), El Ojo del Cíclope (Miguel Espinosa saiakera Saria 2004), Vidas Paralelas (Belacqva, 2008), Tigres de papel (Nafarroako Gobernuaren saiakera Saria 2008), La mirada fósil (Tabula Rasa, 2011), Montaigne y la bola del mundo (Berenice, 2013), El dilema de Proust (Berenice, 2014), Paseo por el San Sebastián de Luis Martín-Santos (Erein, 2015), Libros para la guerra (Berenice, 2016), eta En busca de la inmortalidad (Berenice, 2019) argitaratu ditu.

Tiempo de silencio liburuaren zati baten irakurketa euskaraz
Kulturako webgunetik entzuteko eta/edo deskargatzeko soinu-dokumentua, QR kodearen bidez
Euskarazko Tiempo de silencio liburuaren lehen orrialdeen irakurketa, Ane Gabarain aktorearen eskutik.

Babes eta higiene neurriak Areto nagusian

Ekitaldia zuzenean jarraitu