Maiatzeko eleberri eta komiki nobedadeak

Hona hemen azken 30 egunetan liburutegira iritsi diren fikziozko lanen bilduma. Irudietatik zuzenean jo dezakezue katalogora, katalogotik erreserbetara eta hortik zuen etxeraino eramateko prest daude dagoeneko.

ELEBERRIAK:

"1489 : el mapa del nuevo mundo" Juanjo Gabiña donostiarraren liburua. Ochoa de Andraka euskal kartografo eta nabigatzailearen eta haren emaztearen bizitza eta gorabeherak biltzen dituen eleberri historikoa da, gizadiarentzat garrantzi handiko mugarri bat ulertzeko funtsezko garai batean, Kristobal Kolonek 1492an Amerika aurkitu zuenean, hain zuzen ere.

Izua, emakumezkoen pasioa, bakardadea edo mendekua dira Begoña Garayoa Sarriésen “Querido corazón solitario” liburuko gai errepikarietako batzuk.

“Mateo perdió el empleo” Gonçalo M. Tavaresen liburua. Elkarrekin topo egiteko pertsonaia talde bati buruzko eleberri jostagarria da, eta egungo gizarteko lanari, bakardadeari eta maitasunari buruzko gogoeta dibertigarria.

“A través del bosque” Laura Alcobarena da. Eguneroko harremanetan ezkutatzen den iluntasunari eta maitasunaren eta barkamenaren aldeko apustua egiteko aukerari buruzko narrazio liluragarri eta asaldagarria da.

“El último sueño” Pedro Almodovarren libururik pertsonalena da: hamabi kontakizunetan artikulatutako autoerretratua, idazketarako ezkutuko grina agerian uzten duena.

Julio Llamazaresen "Vagalume" liburua. Denok ditugun hiru bizitzei buruzko istorio zirraragarria da: publikoa, pribatua eta sekretua.

KOMIKIAK:

Matt Maddenen “Ex libris” komikia. Asmakizun postmodernoz beterik aurkituko duzuen istorio sarkorra eta oso bisuala. Jokoaren bide, komikiaren lenguaian barrena metafikzioaren omenaldia egiten du Mattek hemen.

“Kandido Saseta: oroimena, duintasuna eta borroka” izenburua euskaraz datorren arren, gazteleraz dago komikia orri gehienetan. 36ko altxamendu faxistan parte hartu zuen gudari hondarribiarraren historia kontatzen da bertan.

“¡Por Tutatis!” Lewis Trondheimen humorezko eta abenturazko komikia da. Bertan Lapinot untxia Asterixen lurraldean esnatu eta garai hartako kritika zein parodia bat eginez hausnarketarako gakoak emango dizkigun historioa sortu du egileak.

“The nice house on the lake” hainbat egileren artean sortutako intrigazko komikia da. Egileen artean aipagarria da Álvaro Martínez Bueno Donostian bizi den artista. Bere ideia izan baitzen Chillidaren Haizearen orrazia eskulturan oinarritutako unibertso bat sartzea komikian.

Satoru Nodaren “Golden kamuy” serieko 29. alea jaso dugu. Seinen motako manga komiki honetan denetarik aurkitu daiteke: drama, historia, abentura, maitasun ukituak eta akzioa tartean.

“María la jabalina” komiki biografikoa da. Valentzian eta gerra zibilean erizain gisa aritu zen emakumezko gudariaren bizitza kontatzen da du bertan Cristina Duránek.