Maiatzeko eleberri eta komikien nobedadeak

Iritsi berriak dira nobedade hauek mailegura. Azken asteetan jasotako fikziozko lanen zerrenda duzue jarraian, eta baita horien arteko aukeraketa bat ere modu xehetuagoan. Hemetxe irakurri, estekaren bidez katalogara sartu eta erreserbatu dezakezue gustukoena gero bila pasatuz (Errege-Erregina katolikoen kaleko 16 zenbakian). Gozatu!

ELEBERRIAK:

Jöel Dickerren "La muy catastrófica visita al zoo" eleberrian Josephine protagonistaren gelakideek zooko bisitan bizi izan duten gertakaria kontatzen da, baita gertakari horren aurrekari guztiak ere. Xehetasunez kontatzen dizkie aurrekari guztiak Josephinek gurasoei, beraiek ikusten dutena ez baita benetan gertatu. Ikerketan zehar, zoritxarrak ez direla bakarrik gertatzen, itxurak engainagarriak izan daitezkeela eta gertaerek ustekabeko birak hartzen dituztela konturatuko dira.

Elvira Donesen "Virgen jurada". 1986an, Hanak Tiranako unibertsitatea utzi behar izan zuen osaba Gjergjen herrixka isolatura bueltatzeko. Osaba honek, Hanaren gurasoak hil ondoren, hazi zuen Hanna eta orain Hannari tokatzen zaio hura zaintzea gaixorik dagoelako. Nekazal komunitate patriarkal batean bizitzearen zailtasunei aurre eginez, Hana ez da gai bera zaintzeko eta botikak lortzeko emakumea eta ezkongabea izanagatik. Adostutako ezkontza baztertu eta albaniar tradizioa den zinpeko birjina bihurtzea erabakitzen du, bere feminitateari uko egin eta identitate maskulinoa hartzera behartzen duen tradizioa da hau, familiaren ondarea kudeatzeko duen modu bakarra.

Miranda Julyren “El primer hombre malo”. Eleberri honetan, Cheryl Glickmani buruz hitz egiten da. Honek,  sinesmen berezi eta erritualez betetako bizitza bizi du, etengabe berpizten ari den haurtxo baten arimarekiko lotura barne. 40 urte baino gehiago dituela, emakumeen autodefentsari buruzko bideoak ekoizten dituen GKE batean lan egiten du. Clee, buruzagien alaba, etxean hartu behar duenean, neskaren jarrera axolagabe eta desordenatuak aztoratu egiten du haren errutina. Hala ere, egoera honek ustekabeko maitasun bat aurkitzera eramango du.

Aitor Oñateren “Lohizulo” eleberrian Marrolo, delitu txikietan dabilen pertzero etniako buruzagia da protagonista, txutxeen klaneko burua. Bere helburua jendea babestea eta negozioak zabaltzea da, beti alai eta fidagarri. Horrek udaleko politikoekin, Aingeru Ajuria alkate demokristauarekin eta Aitziber Ertzilla ezkerreko liderrarekin, harreman estuak izatera eramango du. Baina, horrelako egonaldietan, ezin jakin zer gertatuko den ondoren.

Edith Andersonen "Un trabajo de hombres" narrazioan New Jersey-eko Port Empire tren geltokian lan egiten duten  emakumeek, gerran gizonak ordezkatzen dituztenek, zalantzan jartzen dute gizonezkoen nagusitasunaren ideia. Funtsezko lana izan arren, lankideek tratu txarrak ematen dizkiete, diskriminazioari eta gaizki ordaindutako zereginei aurre egiten diete. Hala ere, Estatu Batuetan,  sozialismoak izandako gorakadak,  justiziari eta berdintasunari buruzko ikuspegi berri bat eskainiko die.

Sara Mesaren "Oposizioa". Eleberri honetan, narratzaileak interina gisa lan egiten du administrazio-bulego batean, eta bere ibilbidean aurrera egiteko oposaketa egitea planteatzen hasiko da. Hala ere, kaos hierarkikoak eta bere zereginen argitasun ezak zalantzan jartzen dute erabaki hori. Errutinan harrapatuta, inprobisatuz eta marrazkien eta poemen bidez adierazten du bere frustrazioa. Obedientzian murgildurik dauden funtzionarioez inguratuta, erabaki txiki eta subertsiboak hartuko ditu, balizko ondorioak aurreikusi gabe.

 

KOMIKIAK:

 

Bertrand Galicen “La niña y el cartero”. 1906an, San Frantziskoko lurrikaran bere ama hil ondoren, Jenny Bridge txikiak, Omahara bidaiatu behar izan zuen aitaren aldeko aitona-amonekin bizitzeko. Bidaian, Enyeto Johnsonek lagunduko dio, postari gisa lan egiten duen amerikar natiboa da. Elkarrekin bidaia hunkigarri bat burutuko dute, herrialdea ez ezik, elkarrengandik urruntzen dituzten oztopo sozial eta kultural sakonak ere aztertuz.

Aurélie Herrouren "Viaje alrededor de mi habitación". Franki bere ordenagailua eta mugikorra hondatuko zaizkio eta hamar egunez etxean geratu beharko du zerbitzu teknikoaren zain. Laster, abstinentziaren lehen sintomak agertzen hasiko dira. Frustrazioa eta sumindura, laster asperdura bihurtuko dira... Denbora pasa ahala bere irudimenak agintea hartuko du, espazioan eta denboran zehar bidaiatzen hasiko da, eskaintza hauen aukera infinituak esploratuz.

E.M Carroll-en “Una invitada en casa”  komikian urtetan bakarrik egon ondoren, Abby Davidekin ezkonduko da. Gizon hori herrira iritsi zen bere alabarekin zetorik hasi asmoz. Bere aurreko emaztearen itzalean bizitzea zaila bada ere, Abby emazte eta ama ona izaten ahaleginduko da. Baina Daviden lehen emazteari buruz gehiago jakin ahala, piezak ez dira egokituko, eta misterioak obsesionatu egiten du. Lilura horrek bere bizitzan lehen aldiz maitemintzera eramango du.

Charles Berberian-en “Una educación oriental” komikian nork bere burua definitzea ez da erraza. Bagdaden jaioa da, ama greziarra eta aita armeniarra zeuzkan, Beiruten 10 urte bete arte hazi eta Libanon gerra zibila piztu baino lehentxeago egondakoa da. Familiaren historia eta oroitzapenak berreraikiz, pertsona horren nortasun konplexua argituko da narrazioan zehar, bere jatorriak eta bere bizitza definitu zuten gertaerek markatutako nortasuna.

Rubin Dranger-en “Recuérdanos para vivir” komikia. Idazleak bere familia juduaren historia aztertzen du. Holokaustoan hil zituzten haren kideak. Ikerketa sakon baten bidez, bere sustraiak antzinako Errusiar Inperioan topatuko ditu, bere arbasoen bizitzak eta patuak berreraikiz, horrela tragediaren ondare mingarria eta horrek etorkizuneko belaunaldietan izango duen eragina azaleratuko du.