María Elorzak emango dio hasiera 'Garaikidetasunaren krisia' zikloaren denboraldi berriari

Bartzelonako Pompeu Fabra unibertsitatearen bidez ikus-entzunezko komunikazioan lizentziaduna den María Elorzak hasiera emango dio Garaikidetasunaren krisia zikloaren denboraldi berriari. Irudiak sutan titulupean, 19:00etatik aurrera, Elorzak hartuko du parte Juan Ignacio Etxart-ekin batera.

Zein da irudiak sortzearen zentzua ikus-entzunezko ekoizpen neurrigabeko garai honetan? Bere praktika zinematografikotik abiatuta, Maria Elorzak XXI. mendean zinema egitearen erronkez hitz egingo du. Era berean, bere lanaren zein beste egile batzuen film-zatiak proiektatuz, irudien genealogian, beste diziplina batzuekiko honek duen harremanean eta zinema-sorkuntza bultzatzen duen suaren izaeran sakontzen saiatuko da.

XX. mendearen amaierako Modernitatearen Krisiaren ondoren, garaikidetasuaren krisi bati aurre egin behar diogu orain. Hitzaldi eta elkarrizketen ziklo honek zalantzan jartzen du nozio hori, eta denborazkotasuna birdefinitu nahi du, mikrokosmos natural, pertsonal eta komunitarioetan izandako esperientzietatik abiatuta. Beraz, deialdia irailaren 20an, 19:00etan, (Santa Teresa komentuko Ekitaldi Aretoan (Alde Zaharra). 

Egutegian apuntatzeko datak segidakoak dira: 

• Urriaren 5ean, Ambrosio Velasco doktore eta ikertzailea
• Urriaren 23an, Javier Echeverría filosofoa
• Azaroaren 23an, Vilma Coccoz psikoanalista
• Urtarrilaren 25ean, Alicia Puleo filosofoa
• Otsailaren 8an, Joseba Zulaika filosofoa 
• Apirilaren 23an, Josu Zabaleta filologo eta itzultzailea
• Maiatzaren 9an, Víctor Gómez Pin filosofoa