Martxoko bideo nobedadeak

Hona hemen otsailan iritsi eta katalogatu diren bideo berrienak. Eskuragai daude mailegu bidez etxera eraman ahal izateko edo liburutegian bertan ikusteko. Jabi Elortegiren “El vasco” filma atsegina eta asmo onekoa da. Drama, erromantizismoa eta komedia uztartzen dituen istorio bat kontatzen du. Carlota Peredak zuzendutako “Cerdita” filmak beldurrezko film klasiko baten osagai guztiak ditu, baina norabide aldaketa on bat ere eskaintzen du. Mendekua eta izu odoltsua neurri berean biltzen dituen istorio bat. “En los márgenes”, Juan Diego Botto aktorearen estreinaldia zuzendari gisa. Thriller honetako pertsonaiek ahaleginak egiten dituzte zutik mantentzeko eta bizimodua betirako alda diezaiekeen egun giltzarri batetik bizirik ateratzeko gai izateko. Erlojupeko film luzea, aurrera egiteko motortzat jotzen diren harreman pertsonalak eta afektua lantzen dituena. Benetako istorio askotan oinarrituta, Alberto Rodríguez zuzendari sevillarraren “Modelo 77” azken thriller politiko-kartzelarioak berreskuratzen du Cooperativa de los Presos en Lucha (Copel) kooperatibaren historia. Filma La Modelo kartzelan, 70eko hamarkadaren erdialdean girotuta dago. Jaime Rosales “Girasoles silvestres” filmarekin itzuli da, arlo soziala eta emozionala nahasten dituen beste proposamen batekin. Azaltzen duen dramaren barruan, bere filmarik gertukoena, komertzialena eta baikorrena lortzen du. Louis-Julien Petitek zuzentzen duen “La brigada de la cocina” kutsu sozialeko komedia frantses atsegina da, eta gastronomiaren gaia erabiltzen du kohesio lotura gisa. Arreta mutil gazteengan jartzen du, gehienak afrikar etorkinak, Frantziara hezkuntza egokia eta bizitza oparoa aurkitzera joaten direnak, baina, askotan, lortzen ez dituztenak.