Apirileko eleberri eta komiki nobedadeak

Hona hemen azken 30 egunetan liburutegira iritsi diren fikziozko lanen bilduma. Irudietatik zuzenean jo dezakezue katalogora, katalogotik erreserbetara eta hortik zuen etxeraino eramateko prest daude dagoeneko.

ELEBERRIAK:

F. J. Klaver-en “Balada triste de Amara Park” suspense istorio bat da, gertaeren ondorioz itogarria izan daitekeena eta Ricardo Txurrukaren ahotsean duela hogei urte Donostian gertatu ziren gertakari batzuk kontatzen dituena.

Maite R. Ochotorena idazle donostiarrak suspensea, fantasia eta izua nahasten ditu Antartikako base zientifiko norvegiar batean girotutako "Un desierto de hielo" eleberrian.

Olatz Mitxelenaren "Arrain hezur bat eztarrian" hamar ipuinek honako gaiak lantzen dituzte: mundu propioak, mina, logikaren galera, zahartzaroa, errealitatearen pertzepzioa edo hizkuntza.
https://www.kmliburutegia.eus/Record/809524?lng=eu

John Boyneren “Todas las piezas rotas” bere iragan zailari aurre egin behar dion emakume zahar bati buruzko istorio hunkigarria da. “Pijama marradunaz jantzitako mutikoa” eleberriaren ondorio magistrala.

Lisa Jewellen “Dentro de casa” eleberri kezkagarria eta zirraragarria da, tentsio eta misterioz betea, hari nagusia herentziaren ingurukoa du: fiskala, familiarra, soziala...

Jorge Corralesen “Las chicas del muro” benetako gertaeretan oinarritutako istorio hunkigarria da; istorio handi bat ezkutatzen duen argazki misteriotsu bat, edozein harresitatik haratago bizirik irauteko gai den adiskidetasun baten erakusgarri da eleberri hau.

KOMIKIAK:

“Mujirushi : el signo de los sueños” lapurketa baten istorioa da. Pariseko Louvre museoan kokatua dago eta museoak berak enkargatuta Urasawak burutu duen komikia da. Kamoda aita eta Kasume alabaren zorigaitza eta bertatik ateratzeko alabak hartutako erabakien berri ematen du.

“Anker" komikian Siberiako tigre bat da protagonista, bera eta bere oldarraldiak, bai gizakien kontra, bai sistemaren kontra, siberiar basoak ustiatzen nola ari diren kontatzen duen abentura zirraragarria, Alex Macho eta Harrieten eskutik.

“Hägar el horrible 1973-1974”. Dolmen argitaletxeak komiki klasikoak berrargitaratzen jarraitzen du, eta oraingoan "Hägar" edo agian ezagunago bihurtu den "Olafo"ren istorioak atera ditu. Erdi Aroan kokatutako bikingo baten abenturak dira protagonistak.

 “Question”. Hiriko politikarien ustelkeriari amaiera eman nahi dion istoriotxoa, Question justiziagileari esker.

“Quino inédito”. Quino marrazkilari ezagunaren bineten bilduma zorrotza da honakoa, alde batetik umorea ardatz duena baina baita kritika soziala ere.

"Vengadores oscuros" (Marvel Must-Have). Menderakaitzen edo Vengadore ezagunen aro berri baten hasiera kontatzen du komiki honek Bendis eta Deodato egileen eskutik.

ELEBERRIAK:

KOMIKIAK: