Oñatiko Unibertsitateko liburutegia: XVI. Mendea

Oñatiko Unibertsitatearenak diren inkunable eta XVI. mendeko argitalpenak erakutsiz lortu nahi duguna, alde batetik, Unibertsitateko Liburutegiak duen fondo bibliografiko baliotsua erakustea da eta, aldi berean, Oñati eta bere Unibertsitatea hasiera hartan zer izan ziren azaltzea, XVI. Mendean zehazki. Azaldu nahi dugu nola, noiz eta nork fundatu zuen Unibertsitatea eta Oñatiko herrian norainoko eragina izan zuen.

Gainera, erakunde haren jardunbidea deskribatuko: araudiak, eraketak, Aita Santuaren bulda, bizitza akademikoa. Bestalde, ikasgela haietan eman ziren gaiak aztertuko ditugu, garai hartako pentsalarien artean zeuden bi eskola nagusiekin, eskolastikoarekin eta humanistikoarekin, eduki zezaketen erlazioan sakonduz. Era berean, Unibertsitatearen garapen zientifikoan Inkisizioak izan zuen eragina ere aztertuko dugu eta zentsuratutako liburuak azaldu.