ONDAREA ORAIN 2025

Duela 1.000 urte, Altzoko monasterio txiki baten dohaintza jasotzen zuen dokumentu batean, Gipuzkoako lurraldearen lehen aipamena ezagutzen da; Ypuscoa une horretan idatzi zen.
Gipuzkoako Milagarren mendeurrenak oinarri historiko handia du, zalantzarik gabe, eta Foru Aldundiko Ondare Historiko-Artistikoak Ondarea Orain edizio berri honetan nabarmendu nahi du. Programa hau ondarearen gaurkotasuna Gipuzkoako gizarteari hurbiltzeko asmoz sortu zen, eta eduki erakargarri eta liluragarriz betetako edizio berezi batekin itzuliko da. Hortik dator interes orokorreko adierazpenak eta ondarearen abangoardiako gaiak uztartzen dituen aurtengo formula.

Zaharberritzean adituak izango ditugu, Kultura Ondarearen kontserbazioaren erronkak eta sekretuak azalduko dizkigutenak, baita urpeko arkeologiaren arloko azken aurkikuntzak aurkeztuko dituzten ikertzaile espezializatuak ere. Horrez gain bidaia berezia egingo da iraganeko zaporeetan barrena: gure arbasoen ahosabaian zeharreko ibilbidea, nola elikatzen ziren erakusten duten aztarna arkeologikoetan oinarritua.
Zikloa amaitzeko, bertsolaritzari buruzko saio bat izango da, 2024an Kultur Ondare Inmaterial gisa aitortua, eta ahalik eta ondoen amaituko dena: zuzeneko bertso saio batekin, gure kultura biziena eta ahozkoena ospatuz.

ONDAREA ORAIN. Programa

MAIATZAK 5 (Agendara joan)

     18:30 Tolosako zezen plazako zuresko harmailen zaharberritzea/ Restauración de las gradas de madera de la Plaza de Toros de Tolosa.
     Aitor Zubia/ Patxi Albisu

MAIATZAK 12 (Agendara joan)

     18:30 PrehGastro
     Ana Belén Marín Arroyo

MAIATZAK 19 (Agendara joan)

     18:30 Itsas hondoan/ En el fondo del mar
     Ander Arrese/ Mertxe Urteaga

MAIATZAK 26 (Agendara joan)

     18:30 Bertsolari eta bertsozaleen komunitatea bertsolaritzaren zaintza ta geroratzean
     Aritz Zerain/ Karlos Aizpurua/ Maialen Lujanbio/ Beñat Gaztelumendi