Otsaileko komiki eta eleberrien nobedadeak

Hona hemen azken 30 egunetan liburutegira iritsi diren fikziozko lanen bilduma. Irudietatik zuzenean jo dezakezue katalogora, katalogotik erreserbetara eta hortik zuen etxeraino eramateko prest izango dituzue  Errege-Erregina katolikoak kaleko 16 zenbakian.

ELEBERRIAK

Marie Benedict eta Victoria Christopher Murrayren La coleccionista nobelak emakume bikain baten benetako istorioa kontatzen du. Gezurra esan behar izan zuen, emakume izateagatik baztertzen zuen eta jatorriagatik kondenatzen zuen mundu batean bidea irekitzeko. New Yorkeko arte eta liburu munduko emakumerik boteretsuenetako bat izan zen.

Bere lehen eleberrian, Una bañera de hojas secas, Marta González Novok tabuak hausten ditu matxismoa salatzeko eta tratu txarren biktima guztiei itxaropen mezu bat emateko. Emakumeak genero-indarkeriaren aurka duen borrokari buruzko istorio sendagarri eta argitsua da.

Los pecados de Marisa Salas nobelan, Clara Sánchezek argitasunez eta adimenez deskribatzen du argitaletxeen munduaren atzealdea, non protagonistak -editoreak, egileak eta irakurleak- iruzurrez eta plagioz, mendekuz eta salmenta-zerrendaz betetako nobela batetik ibiltzen diren. Berebiziko eleberria da, suspensez betea eta emozio handikoa.

Ruth y Pen Emilie Pineren eleberriko debuta da. Obra argitsua da, argia eta adeitasun hunkigarrikoa. Minaren eta maitasunaren mugak erretratatzen ditu, ur ezagun eta ezezagunetan nabigatzeko moduari buruz, eta aurrera jarraitzeko indarra aurkitzeak eskatzen duen balioari buruz.

Alicia Vallinaren La criolla del Amazonas eleberriak Isabel de Casamayorren benetako istorio harrigarria kontatzen du. XVIII. mendean Amazonas ibaia zeharkatu zuen lehen emakumea izan zen, Peruko Andeetatik Ozeano Atlantikoko bokaleraino. Emakume baten kemenari buruzko abenturazko eleberri historiko izugarri bat, senarrarekiko eta familiarekiko maitasunagatik balentria paregabea egin zuena.

Renato Cisneros maitasunari eta gerrari buruzko eleberri batekin itzuli da. El mundo que vimos arder erregistro beliko zirraragarria da, baita identitateari eta deserrotzeari buruzko hausnarketa ere. Hori guztia, dena lehertzeko edo desagertzeko zorian dagoela dirudien garai batean.

KOMIKIAK

Wonder Woman: la verdadera amazona pertsonaiaren historia eta oinarriak kontatzen dituen komikia da. Jill Thompson autoreak Diana printzesa umetan nola hazi zen eta heroi bihurtu aurreko bizitza hura kontatzen du. Argitalpena ECC etxearen DC Pocket sailean kokatuta dago. Serie honetan beste hainbat superheroien historiak ere kaleratu izan dira.

Basamortua Juan Kruz Igerabide eta Elena Arreseren album ilustratua da. Xibarit argitaletxearen edizio berezi honetan harri azpian eta basamortuaren erdian dauden bi haziren istorioa kontatzen da.

Libro ilegal telebista, zinema, literatura eta bideojokoei buruzko txiste bilduma bat da. Adibidez, Simpsons, Doraemon edo The Looney Tunes bezalako fenomeno komertzialei egindako ironiak biltzen ditu. Manuel Álvarez komikigileak hauetako hainbat biñeta aurrez bere sare sozialetan ere argitaratu izan ditu.

Dan da dan zientzia fikziozko manga seriea da. Estralurtar eta fantasmek hartuko dute bi gazterekin batera protagonismoa istorio hauetan. Tartean umore zein momentu erromantikoak ere biltzen dira baina batez ere fantasia eta munstroak agertzen dira. 

Barbanegra pirataren azken urteetako ibilerak kontatu ditu Jean-Yves Delittek komiki honetan. Aurrez itsas batailak historikoki oso zainduak izan diren detaileekin eman ondoren, orain pirata baten abenturak ekarri ditu Delittek. Queen Anne’s Revenge ontzian XVIII. Mendeko Karibean kokatzen dira abentura hauek.

Unboxing Pandora komiki mitologiko berrinterpretatua da. Egilea Fabio Pia Mancini italiarra da. Bertan Pandoraren mitoa  modu oso freskoan eta abenturaz beteta ikusiko dugu. Cloris protagonistak konturatu gabe munduko gaitz guztiak jasota dauden ontzia ireki eta horiek biltzen gertatuko zaizkionak ezagutuko ditugu hemen.