Santa familia

Santa familia
Gidoia: Eider Rodriguez
Marrazkia eta kolorea: Julen Ribas
Xabiroi. Ikastolen Elkartea.
2017

Santa familia komikia Xabiroi aldizkarian argitaratua izan da atalka orain arte. Orain berriz album formatuan dator. Xabiroi bildumako 10. albuma da. Eta koordinatzaile Dani Fanok zein egileek, Eider Rodriguez eta Julen Ribasek, esan zuten moduan, oso album borobila da. Elkarlan paregabearen fruitu eta gai mamitsuak tratatzeko izan duen abileziarengatik. Elkarlan onaren beste adibide bat.

Iruzkina idazteko abantaila handia dugu... aurkezpenean izan ginelako eta bi monstruenak, gidoilari Eiderrenak zein marrazkilari Julenak, zuzenean entzuteko eta ikusteko parada izan genuelako.

Bere osotasunean. Bere txikitasunean. Familia du ardatz istorio honek. Familiaren inguruko hainbat zalantza filosofiko eta egoera tragikomiko jasotzen ditu. Sakontasunean, hala nahi izanez gero; Eiderren katu-umorez. Julenen akuarela zoragarriez.

Eta inpresioak ere laguntzen du marrazkiaz gozatzen.

Drama, eguneroko arrunta, umorea, abentura eta fantasia "familiarra" egingo zaizu.

Desastre.