Simon Arrieta 1915-1969

Simon Arrieta 1915-1969

Simon Arrietaren bizitza eta arte ibilbidea eten egin zuten Gerra Zibilak, espetxeek, langile batailoiek eta ondoko diktadurak, eta heriotza goiztiarrak 54 urtetan eraman zuen, artean heldutasun artistikora iritsi ez zela.

Simon Arrietaren pintura, bizitzea egokitu zitzaion garaiarekin zuzen loturik ageri da. Garaiko euskal gizarteak bideratzen zuen artea ulertzeko modutik apenas aldendu gabe, gertukoa landu zuen, lan amultsua eta hurbila, eskuzabala eta herrikoia gauzatzen zuela. Zaila litzateke haren margokera estilo bakarrean sailkatzea: haren lanetan iraganeko maisu handien ‑hala nola Velazquez edo Maneten‑ eragina ikus dezakegu, baita aurreko belaunaldietako euskal artistena ere, hala nola Zuloaga edo Artetarena. Jarrera tradizionalaren eta halako espiritu moderno baten asimilazioaren arteko sintesi bat planteatzen du Arrietak. Haren pinturak figurazio bat planteatzen du zenbait askatasun modernorekin batera, hala nola geometrizazioneokubistaren eskutik edo inpresionismoan oinarrituriko sentsazioetatik datozenak. Olasagasti edo Zumalabe bezalako autoreen lanen gertukoa, besteak beste.

Simon Arrietaren lanetan pintura figuratiboa da nagusi. Erabilitako teknikari dagokionez, nabarmentzekoak dira olio pintura eta ikatz marrazkiak. Irudikapen alorrean izugarrizko trebetasunaren jabe, egikera arretatsu eta armoniatsu bat espontaneo eta azkarra den beste batekin konbinatzen du. Arreta berezia jartzen du argi eta espazio modulazioetan.

Simon Arrieta erretratugile bikaina izan zen, pertsonen aztertze psikologiko sarkor eta zorrotza islatzeko gaitasunaren jabe. Haren teknika eta obra ezagutu zituzten margolarien esanetan, baita hark erretratatu zituenek diotenez ere, posatzen ari zen pertsonaren espiritua antzeman eta oihalera eramateko gai zen Simon Arrieta.

 

 

Erakusketa

15.10.08 - 15.11.14

asteartetik ostiralera: 16:00 - 20:00

larunbata: 11:00 - 14:00 eta 16:00 - 20:00

(jai egunak izan ezik)