Egin erreserba suKaldean

K bulegoak suKaldea abian jartzen du eta mahaira biltzera gonbidatzen zaitu. Eskarmentua duten profesional arituengandik ikasi eta jakintza praktikoa partekatzeko errezetagunea da suKaldea, horiekin batera ikusi, ikasi eta euren platerak dastatzeko.

Otordu bakoitzean sukaldari bat izango dugu mahaiburu bere proiektuaz aritzeko. Gonbidatuak bere errezeta prestatuko du, kultura proiektuaren sukalde lana erakusteko asmoz. Sukaldari gonbidatuak lagunduta behar-beharrezko osagaien zein prestaketa moduaren gainean arituko gara gure jangelan.

Lehenengo oturuntzan Shandra Martínez Caballero chefak (Donostia, 1977) atonduko du mahaia. Kultura eta arte proiektuak kudeatu eta koordinatzen ditu Martínezek, hala nola erakusketa, musika, arte edo ikus-entzunezko ekoizpenak. 2021etik aurrera, Recreakult gizarte ekimeneko proiektuan ikertzen eta garatzen dihardu, kulturgintzan ekonomia zirkularra bultzatzeko helburuarekin.

K bulegoaren suKaldean 15 mahaikiderentzat prestatu dugu mantela. Egin zure erreserba eta bildu mahaira, lekuak mugatuak dira eta.

Egin erreserba suKaldean
Hilaren 24 arte edo tokiak bete arte
 

Azaroak 28 (asteartea) - 10:30etatik 13:00etara
Otordua gaztelaniaz izango da

K bulegoaren suKaldea
Santa Teresa komentua
Elbira Zipitria bidea 1
20003 Donos​tia


Irudia. Silvia López de Lacalle Gurruchaga