Urtarrileko eleberri eta komiki nobedadeak

Hona hemen azken 30 egunetan liburutegira iritsi diren fikziozko lanen bilduma. Irudietatik zuzenean jo dezakezue katalogora, katalogotik erreserbetara eta hortik zuen etxeraino eramateko prest izango dituzue  Errege-Erregina katolikoak kaleko 16 zenbakian.

 

ELEBERRIAK

Maiatzaren 2ko jardunaldi historikoa abiapuntu hartuta, Ana B. Nietok Luz de candelas aurkezten digu, hain eleberri entretenigarri, atsegin, dibertigarria eta zoragarria, letra guztiekin. Izan ere, bertan, pertsonaiek bizia hartzen dute, eta ez bakarrik denok izenez ezagutzen ditugunek, baita betidanik ezagutu nahi izan ditugun horiek ere: poetak, lapurrak, prostitutak, liburu-saltzaileak eta kaleko jendea. Asmamenez eta amaierarik gabeko abenturaz zipriztindutako istorio honek XIX. mendea aurkezten digu, lehen inoiz ikusi ez dugun bezala.

Kate Thompsonen La biblioteca de las lectoras valientes nobela zirraragarria da, benetako gertaeretan oinarritua, Bigarren Mundu Gerran Londresen lurrazpiko liburutegi bati buruzkoa. Liburuekiko, liburutegiekiko eta une zailenetan itxaropenari eusten dioten istorioekiko maitasun-adierazpena.

Luis López Carrascoren El desierto blanco, 2023ko Herralde Eleberri Saria, aparteko eleberria da, besteen garai eta espazio batetik ikusitako belaunaldi bati buruzkoa; lurralde arraro batean bizi diren pertsonaia batzuei buruzkoa, izan zirenarekin eta direnarekin aurrez aurre jartzera bultzatzen dituena.>

2023ko Herralde Eleberri Sariko finalista, La reina del baile, Camila Fabbriren eleberri asaldagarri, inguratzaile eta itxaropentsua da. Bere prosaren ezohiko indarrarekin, itxuraz bakarrik xume eta zuzen, irakurleari erasotzen dion liburua. Traumez, errealitateez eta desioez hitz egiten digun narrazioa.

Yasmina Reza idazle eta antzerkigileak, Adam Haberberg eleberrian, denbora, hilkortasuna edo bizitzaren zentzugabekeria bezalako ideiak jorratzen ditu. Etsita dagoen idazle baten erretratu makurra egiten du, adin ertaineko krisian dagoen gizon batena.

Yasmina Rezak idatzitako Anne-Marie La Bella nobela laburra da, baina bizia eta hunkigarria. Bertan, bere bizitza arte eszenikoan eman duen emakume baten erretratua eskaintzen digu. Bakarrizketa moduan kontatuta, aktore beteranoak bere bizitza eta ibilbidea errepasatzen ditu ironia, nostalgia eta argitasuna nahastuz.

KOMIKIAK

Adrastea greziar mitologiako istorioa da, Mathieu Bablet marrazkilariaren ikuspegitik kontatutakoa. Olimpo mendian kokatuta dago komikia eta Hiperboreako errege ohi hilezkor bat du protagonista gisa, bere maitasun ibilerak eta ahaztutako egiak ditu ardatz istorioak.

Joe Saccoren Palestina komikia egungo politika eta historian oinarritutako nobela grafikoaren eredu bilakatu zaigu. 1990eko hamarkadan egileak Palestinan bizitako istorioetan oinarritutako kazetaritza modu grafikoan biltzen du, eta zoritxarrez ez du ia gaurkotasunik galdu historia honek. Astiberrik euskarara ekarri du Julen Gabiriaren itzulpen lanari esker gaur egun eleberri grafikoaren aitzindari jotzen den lan hau.

Sexless, hitzak berak esan nahi duen bezala, sexu-jarduerarik gabeko bikote-harreman baten kontakizuna da komiki hau. Togame egileak bere historia pertsonala kontatzen du, bere harremanak, bere ama izateko nahia eta bizitzan gurutzatzen diren interferentzien komikia da honakoa.

Piratas del Cariberáneo abentura, komedia, parodia eta piraten inguruko hiru liburuki biltzen dituen komikia da. Egilea Irungo Dani Ruiz informatikari eta marrazkilaria da. Jack Sparragou protagonistak umore absurdoa ardatz hartuta biziko ditu hainbat abentura azentu andaluziarra lagun duelarik.

El dibujante de Estambul Ersin Karabulut marrazkilariaren komikia da. Ersinek, aldi berean, artista eta herritar gisa bizi izandako ibilbidea kontatzen digu hemen, bere herrialdea antagonismo politiko eta sozialen arteko eztabaida betean erakusten digun bitartean. Turkia pixkanaka demokrazia izatetik erregimen autoritario izatera igaroko den unean nola bizi den kontatzen du komikiak.

Iris XXII Yurre Ugarte gidoilariaren eta Julen Ribas marrazkilariaren zientzia fikziozko euskal komikia da. Hondamendi naturalen segida luzeen ondoren, 2160 urtean gizateria ia teknologiarik gabe bizi da. Egungo gai etiko ugari jorratuko dituzte lan honetan protagonista ezberdinen bizipenetan oinarrituta.