Villa Asunciónen gaude jada

Udaren hasieran Koldo Mitxelena Kulturuneko Liburutegia itxi zen. Handik gutxira, uztailaren 26an, obrak egin bitartean zuen esku egongo den espazio berri bat ireki genuen: mailegua, Errege-erregina Katolikoen kalean. Baina ez da bakarra izango. Gaur, datozen hilabeteetan KMK-ren Liburutegiko bulegoak hartuko dituen eraikina aurkeztu nahi dizuegu: Villa Asunción. Gune horretan liburutegiko lantaldeko kide batzuk lan egiten ari dira dagoeneko.

Villa Asunción en erabiltzaileek maileguan hartu edo kontsultatu ahal izango dituzten dokumentuak prestatuko dira. Miracruzeko Gaineko egoitzan, nobedadeak eta dokumentu zaharrak katalogatu, zaindu eta digitalizatuko dira. Horretaz gain, liburutegiaren bilduma sakonki lantzeko aukera izango dugu.

Baina hau ez da guztia. Egun gutxi barru, Oñatiko Gipuzkoako Probintziako Artxibo Historikoko ikertzaileentzako guneaz gozatu ahal izango dugu. Adi KMK-ko albisteei! Eta gogoratu obren berri izan dezakezuela hemen.