Zinemagileen arteko Elkarrizketak zikloak 3. edizioa izango du

Aurreko bi edizioetako arrakastaren ondoren, Zinemagileen arteko Elkarrizketak zikloa bueltan da. Gipuzkoako Foru Aldundiko Kultura Departamentuarekin batera, programazio anitza aurkeztu dugu, zinematografiarekiko estimazioa eta zinemagileen eta entzuleen arteko lotura garatzeko balio izango duena.

Ziklo hau elkarrizketa sorta bat baino gehiago da, eta bertan izango dira Negu Kolektiboa, Víctor Iriarte eta Carlos Muguiro, Elena Martín, Laura Ferrés eta Javier Macipe, Isabel Coixet eta Sara Mesa, JA Bayona eta Belén Atienza, Belén Funes eta Marçal Cebrián eta Isabel Herguera eta Pablo Berger. Publiko guztiei irekitako 7 saiotan banatuta, Z365 atalaren —Zinemaldia urte osoan— eta Elías Querejeta Zine Eskolaren partaidetza dauka.

Solasaldien hasiera Negu Kolektiboak eskainiko du. Bertan, moderatzailea Andoni Imaz izango da. Imaz Ikus-entzunezko Komunikazioan graduatua da Mondragon Unibertsitatean, eta Euskal Kulturgintzaren Transmisioan aditua. Berria egunkarian kazetari aritu da 2018az geroztik, eta zinemaz idatzi izan du beste hedabide batzuetan. Zinema kritikaria ere bada. Kolektiboaz adierazi daiteke Ekain Albite, Mikel Ibarguren, Nicolau Mallofré eta Adrià Rocak osatzen dutela. ESCACen ikasitako zinegile hauek segidako lanak sortu dituzte:  Erroitz eta Laiotz laburmetraiak, Euskal Herrian oinarriturikoak, eta A rabassa morta, errealitate katalanetik abiatutakoa. Zinemagileen arteko Elkarrizketen zikloaren barnean Negu Hurbilak luzemetraiari buruz arituko dira, Locarnoko 76. Nazioarteko Zinemaldian epaimahaiaren aipu berezia lortu zuelarik. Negu Kolektiboaren opera prima honek ETAren su etetearen ondorengo testuinguruan kokatzen du istorioa, eta arrazoi politikoengatik eta errepresaliak jasateko beldurrak bultzatuta beren lurraldetik ospa egiten duten iheslarien esperientzia du abiapuntu.

Azpimarratzekoa da Donostiako Alde Zaharreko Santa Teresa Komentuan elkarrizketez gozatuko dugula gure "etxeko" obrak direla eta. Aurten, nobedade gisa, zikloaren ohiko saioetaz aparte paraleloan gauzatuko den prestakuntza-eskaintza izango dugu. Horren inguruko informazioa hemen duzue ikusgai. Oso pozik gaude formakuntza porposamen honekiko aurkeztu duzuen interesarengatik: izan ere, eskainitako plazak lehenengo egunean bete genituen.

Datozen asteetan, 19:00etatik aurrera egingo diren ekitaldiei buruzko xehetasun gehiago emango ditugu, baina, datak erreserba dezazuten, hona hemen aurreikuspena:

• Taldean zuzentzea. Negu Hurbilak (urtarrilak 9)
• Zinema eta beste diziplina batzuk. Víctor Iriarte eta Carlos Muguiro (otsailak 13)
• Operak primak. Elena Martín, Laura Ferrés eta Javier Macipe (otsailak 27)
• Literatura egokitzapenak: Isabel Coixet eta Sara Mesa (martxoak 7)
• Animazioaren egoera: Isabel Herguera eta Pablo Berger (data konfirmatzeke)
• Zinema idaztea: Belén Funes eta Marçal Cebrián (maiatzak 7)
• Filmak ekoiztea: JA Bayona eta Belén Atienza (data konfirmatzeke)

Gogoratu: presentzialtasuna eta topaleku izatea errazteko, saioak ez dira streaming bidez botako, baina grabazioak Koldo Mitxelena Kulturunearen eta Zinemaldiaren web orrian egongo dira ikusgai denboraldiaren amaieran. Gainera, gogoratu nahi dizuegu webgunean aurreko edizioetako informazioa dugula. Gonbidatuak eta jorratutako gaiak aztertu nahi izanez gero, hemen dituzue.