Zinemagileen arteko elkarrizketak

Donostian egin den "Zinemagileen arteko elkarrizketak" zikloaren laugarren edizioak 400 pertsona baino gehiago elkartu ditu, zinemaren inguruko barne hausnarketarako topagune gisa sendotuz.

Gipuzkoako Kultur Departamentuak antolatuta, Donostiako Zinemaldiarekin eta Elías Querejeta Zine Eskolarekin elkarlanean, zikloak zortzi saio eskaini ditu urtarriletik ekainera bitartean. Saio horietan, zinemagileek eta sektoreko profesionalek beren esperientziak eta sormen prozesuak partekatu dituzte Donostiako Santa Teresa komentuko areto nagusian, gaur egun Koldo Mitxelena Kulturgunearen egoitza dena.

Arrakastaren gakoetako bat emakumeen parte-hartze nabarmena izan da: bertaratutako publikoaren %63 emakumeak izan dira.

Goizane Álvarez Kultura diputatuak azpimarratu du Donostiako Zinemaldiarekin eta Elías Querejeta Zine Eskolarekin izandako lankidetzaren garrantzia, zinemaz pantailatik harago gozatzeko modu berriak irekitzen baititu, eta sortzaileen eta ikusleen arteko lotura sendotzen laguntzen baitu.

Zikloari amaiera emateko, Esther García eta Alberto Iglesiasen arteko solasaldia izan da, Pedro Almodóvarrek zuzendutako proiektu ugaritan, El Deseo ekoiztetxearen bidez, ekoizle eta konpositore gisa izandako parte-hartze luze eta emankorrari buruz.

Programazioak honako saio hauek izan ditu:

Urtarrilak 14. Ez-fikzioa ekoiztea: Maria Elorza eta Marian Fernández (euskaraz)

Otsailak 11. Adaptaciones literarias (1): El amor,de la novedad al cine: Helena Taberna eta Isaac Rosa (gaztelaniaz)

Martxoak 7. Adaptaciones literarias (2): Paula Ortiz eta Javier García Arredondo (gaztelaniaz)

Martxoak 25. Dirección de intérpretes: Celia Rico eta María Vázquez (gaztelaniaz)

Apirilak 10. Interpretar una autoficción: Javier Giner eta Oriol Pla (gaztelaniaz)

Maiatzak 15. Dirección de arte y diseño de producción: Pedro Martín-Calero eta José Tirado (gaztelaniaz)

Maiatzak 29. Cineastas noveles y otras disciplinas: Marta Nieto eta Antón Álvarez (C. Tangana) (gaztelaniaz)

Ekainak 17. Producción y música: Esther García eta Alberto Iglesias (gaztelaniaz)