Zinemaldian ez ahaztu komikia

Donostiako Zinemaldia hiriko une garrantzitsuenetarikoa dugu. Komikigunea beranduago iritsi bada ere, irudien bidezko narrazio modernoak filmen hizkuntzaren aurrekariak direla inork gutxik ukatzen du egun. Gure artean, Arkaitz Canok behin eta berriro bi adierazpen artistikoen harremana azpimarratu egin du. Nola garatu gure zinea oinarrizko beste teknika hau garatu gabe?

Komikia eta zinemaren arteko harremana, baina, ez da soilik teknika kontua. Elkar elikatu dute. Azken 10 urteotako superheroien pelikula eta serie eztandak hala agertzen du.

Alabaina, ez al da beti horrela izan…? Zer izan zen lehen? Filma ala komikia? Telebistako seriea edo komikia? Zerk egokitu du zer? Askotan, gainera, nobela bat da unibertso paralelo hauen oinarria.