Gipuzkoako Foru Aldundiko Kultura Departamentuak sustatuta eta Kultur Factory agentziarekin lankidetzan antolatutako Crossover festibalaren testuinguruan gaur saio hauetaz gozatuko dugu:

17:30 Ikusle gonbidatua: Harkaitz Cano

"Ikusle gonbidatua" Crossoverren atal berri bat da. Bertan, kulturako pertsona garrantzitsuek hitz egingo digute, ikusle gisa, gustuko dituzten telesailei buruz eta horren zergatiaz, ikusteko eta gozatzeko duten moduaz eta telesailen kulturaz duten ikuspegiaz. Harkaitz Cano nobelagilea, poeta, itzultzailea, saiakera idazlea eta seriezale amorratua da.
Elkarrizketatua: Harkaitz Cano. Elkarrizketatzailea: Ylenia Benito.
(Hizkuntza: euskara)
Erakustaretoan, -1.solairuan
Ikusi ekitaldiaren bideoa

18:30 Turra Tour 2023

Turra Tour 2023k 20.urteurrena ospatzen du Borja Cobeagaren eta Diego San Joséren bikote sortzaile gisa, Espainiako ikus-entzunezkoek azken hamarkadetan izan dituzten arrakasta handienetako batzuen egileak. Esty Quesada izango dute lagun, Cobeaga-San José unibertsoaren partaideetako bat. Eta hitzaldia biribiltzeko, bi sortzaileen lankidetzaren abiapuntua izan zen EITBren Vaya Semanita programa mitikoa omenduko da, aktore eta gidoilarietako batzuen arteko topaketa batekin.
Partaideak: Borja Cobeaga, Diego San José, Gorka Otxoa, ​​​​​​​Esty Quesada, Oskar Terol, Nerea Garmendia, Santi Ugalde, Maribel Salas.Moderatzailea: Mariola Cubells.
(Hizkuntza: gaztelania)
Areto Nagusian
Ikusi ekitaldiaren bideoa

20:00 Crossover estreinaldiak: Spy/Master

Victor Godeanu Errumaniako zerbitzu sekretuko goi kargudun bat da eta Nicolai Ceaucescu beraren aholkularia 70eko hamarkadaren amaieran, eta arreta osoa eskatzen duen espioitza kasu batean nahasten da, CIA, KGB eta Stasi ere tartean direla. Errumaniako eta Mendebaldeko Alemaniako Gerra Hotzaren urteak modu bikainean berreginda, thriller liluragarri honek ahobatezko goraipamena jaso du Berlinaleko Telesailen atalean.
Aurkezlea: Leire Arrojeria
(Jatorrizko bertsioa gaztelaniazko azpitituluekin)
Areto Nagusian​​​​​​​