Gipuzkoako Foru Aldundiko Kultura Departamentuak sustatuta eta Kultur Factory agentziarekin lankidetzan antolatutako Crossover festibalaren testuinguruan, KM Kulturunean, martxoak 30ean, ostegunean, saio hauetaz gozatuko dugu:

17:30 Ikusle gonbidatua: Lide Hernando
«Ikusle gonbidatua» Crossoverren atal berri bat da. Bertan, kulturako pertsona garrantzitsuek hitz egingo digute, ikusle gisa, gustuko dituzten telesailei buruz eta horren zergatiaz, ikusteko eta gozatzeko duten moduaz eta telesailen kulturaz duten ikuspegiaz.
Lide Hernando Liher taldearen abeslaria da eta 2015etik disko ezberdinak argitaratu ditu. Une honetan, bere lehen nobela idazten ari da eta zinema eta telesailak pasio handiz gozatzen ditu ere, bai ikusteko unean eta baita haiei buruz hitz egiteko garaian ere.
Elkarrizketatua: Lide Hernando
Elkarrizketatzailea: Urtzi Urkizu
(Hizkuntza: euskara)
Erakustaretoan, -1.solairuan
Jarraitu hemen zuzenean

​​​18:30 ¿Cómo se rueda el sexo?
2017an The New York Times-en artikulu batek Hollywooden sexua filmatzeko modua aldatu zuen. Egun, filmatzeetan espazio seguru bat lortzeko tresnak bilatzen dira. Sentsibilitate berri honek publikoak sexu eszenak jasotzen dituen moduan eragina du ere. María de Nati eta Miriam Giovanelli, Nacho seriearen protagonistetako bi gai hauen inguruan arituko dira solasean seriearen sortzailea den Teresa Fernández Valdésekin batera.
Partaideak: Teresa Fernández Valdés, Miriam Giovanelli, María de Nati
Moderatzailea: Daniel Mantilla
(Hizkuntza: gaztelania)
Areto Nagusian​
Jarraitu hemen zuzenean
​​​​​​
20:00 Crossover estreinaldiak: Bosé
Gipuzkoako Foru Aldundiko Kultura Departamentuak sustatuta eta Kultur Factory agentziarekin lankidetzan antolatutako proiekzioa eta solasaldia, Crossover festibalaren testuinguruan:
Bosé, Shine Iberiak ekoitzia eta gaur egun SkyShowtimen soilik eskuragarri dagoena, gehien espero den telesailetako bat da. Crossoverrek hirugarren atala proiektatuko du, modu independentean goza daitekeen kapitulu bat, Miguel Bosék eta espektakuloaren beste munstro batek, Julio Iglesiasek, izan zuten harremanean oinarritzen dena.
Horri buruz hitz egiteko, bertan izango ditugu José Pastor protagonista eta Isabel Vázquez gidoilaria.
Partaideak: José Pastor, Isabel Vázquez
Moderatzailea: Alberto Rey
(Hizkuntza: gaztelania)
Areto Nagusian
​​​​​​​Jarraitu hemen solasaldia