K bulegoa - Berriak

Saio irekia uztailaren 19an antolatu genuen, udako arratsalde bero batean. Limonada freskoak abegi ona egin zigun bertaratutakoi, garratz bezain mikatz. Oporraldian bete-betean sartu aitzin, zukua ateratzera gindoazen arte eta kultura ekimenak sortzen eta garatzen murgilduta egoteak eragiten dizkigun buruhausteei.

Gizarte ekintzailetzako proiektuak ekonomia zirkularra bultzatzen du kultura-sektorean, erabiltzen ez diren materialak berreskuratuz, balio-katean berriro txertatzeko asmoz. Egitasmoa uztailaren 14an aurkeztuko zaie lurraldeko eragileei, tailer topaketa baten bitartez

Ainize Sarasola artistaren Ultraviolence / Ultraindarkeriak erakusketa ikusgai dago uztailaren 8ra arte, Koldo Mitxelena Kulturunean

Hausnarketarako saioan azken bi urteetan kultur sorkuntza eta ekoizpenetan zer moldatu dugun galdetu nahi izan diogu geure buruari. Zein moldaketa etorri dira gelditzeko eta zein ez izan dugu hizpide, pandemia aroak ekarri dizkigun onurak eta kalteak, ikaskuntzak eta uneko baldintzak.

Jemima Cano eta Rebeka Elizegi bikoteak zaindu zuen urteko lehenengo formazio saioa. Kulturan genero ikuspegia eraldatzeko xedez, egungo esparru teorikoa eta legeak aztertu ziren, kultura-ekoizpenaren eta haren adierazleen gainean hausnartzeko

Saio irekia honetan elebitasuna eta hizkuntza aniztasuna izan genituen hizpide, jakintza eta jardunbide kolektiboak partekatzeko beste esperientzia batean

Gipuzkoako Foru Aldundiaren deialdietara aurkeztea buruan badarabilzu, hemen dituzu K bulegoak prestatu dituen zenbait makulu bidea samurragoa izan dadin

Datorren ikasturteari begira, kultur proposamena katalogoan sartzeko aukera duzu maiatzaren 15 arte

K bulegoak urteko lehen saio irekian “Genero-ikuspegia (gure) kulturan” eztabaidagai izan zuen. Kultura-sektoreko 20 lagundik gorak hartu zuen parte saioan, jakintza eta jardunbide kolektiboak partekatzeko beste esperientzia batean.

K bulegoak Gipuzkoako kultur sektorearen garapenerako lagungarriak izan daitezkeen ikaskuntza esperientziak bultzatzen ditu. Urtean zehar, saio irekiak eta formazio saioak tartekatu dira, sorkuntza, komunikazioa eta kudeaketa alorretan ezagutzak partekatu eta lurraldeko eragileen arteko elkar ezagutza sustatzeko xedez.

K bulegoak "Ekintzara jo: kultura 2030 Agendan" formazio saioaren mamia bideoan jaso zuen. Baliabideak agendaren esparru orokorra ezagutarazi eta kultura- eta sorkuntza-proiektuetan garapen jasangarrirako helburuak (GJH) txertatzeko berariazko gakoak eskaintzen ditu.

2021eko azaroaren 16an, K bulegoak bosgarren saio irekia antolatu zuen, irisgarritasuna eta inklusioaren gaia hizpide: Irisgarritasuna eta inklusioa sorkuntza prozesu eta proiektu kulturaletan. Saio irekiak hilean behin antolatzen ditu K bulegoak. Gipuzkoako kultura eta sorkuntza eragileak biltzera bideratuta, gai bat dute ardatz elkarrekin eztabaida piztu eta esperientziak partekatzeko xedez.

Euskal Autonomia Erkidegoko ikuskizun, ekitaldi eta arte eszenikoetako langileek osatzen duten eta sortu berria den TEKNIKARIOK taldeak, Marta C. Dehesaren eskutik jasoko duen aholkularitza saio irekia azaroaren 20an egingo dugu.

Kultura eta enpleguari buruzko jardunaldietan, kulturak bizi duen krisi iraunkorraren testuingurua aztertu zen, eta enpleguaren ikuspegia txertatzeko bideak eztabaidatu ziren, kultura- eta sorkuntza-sektorearentzat orainaldi iraunkorragoa irudikatzeko. Gonbidatuek hainbat ikuspuntutatik egin zituzten ekarpenak. Bideo honetan gogoratuko ditugu sektorearentzat zer etorkizun irudikatu ziren.

K bulegoak bosgarren saio irekia aurkezten du: "Irisgarritasuna eta inklusioa sorkuntza prozesu eta proiektu kulturaletan". Hausnarketarako saioa Gipuzkoako kultur arloko pertsona eta kolektiboei zuzenduta dago, irisgarritasuna eta inklusioa praktikara eramateko ditugun zailtasunez eta aukerez jardungo gara elkarrekin. Azaroaren 16an da hitzordua.

2021eko irailaren 21ean K bulegoak Komunikazioa kulturan: Nola asmatu, ito gabe? formazio saioa antolatu zuen Santa Teresa komentuan, aurrez aurre eta euskaraz. Kultura proiektuetan komunikatzean gure begirada zorroztea izan zen xedea. Lau orduz aritu ziren Gipuzkoako kultura arloko 20 lagun komunikazioaren erronkaren gainean hartu-emanean Lander Arretxeak (Hiru Damatxo) gidatuta.

Kulturari erasaten dioten hainbat krisiri krisialdi pandemikoa gehitu zaie orain. Hausnarketa sakona eragin duen haustura-elementu bat izan da.

"Publikoak ardatz" hausnarketarako saioak publikoak erdigunean, protagonista aktibo gisa, jartzearen garrantzian egin zuen azpimarra.

Kultur proiektuen sorkuntza: Nola zaindu sorkuntzak eta sorkuntza prozesuak?

Cultura y Ciudadanía izeneko VII. topaketarako proiektuen deialdia zabalik dago, ekainaren 27ra arte. Kultura eta Kirol Ministerioak antolatu du topaketa Tabakaleran, Gipuzkoako Foru Aldundiko Kultura, Lankidetza, Gazteria eta Kirol Departamentuaren laguntzaz.