Infoteka
Koldo Mitxelena Kulturuneko Liburutegiaren Infoteka zerbitzuak Internetera konektatzeko aukera ematen du, zentroko erabiltzaileen eskura dagoen erabilera publikoko eta doako ordenagailuetako batean.
Kontuz!
Obrak egiten diren bitartean, zerbitzu hau aldi baterako bertan behera geratuko da.
Aurkezpena
Koldo Mitxelena Kulturuneko Liburutegiaren Infoteka zerbitzuak eskura dauden ordenagailuak era guztietako izapideak egiteko erabiltzeko aukera ematen du, baita informatikari eta teknologia berriei lotutako materialen bilduma zabal batez gozatzeko aukera ere.
-
Koldo Mitxelena Kulturuneko Liburutegia. Tel.: 943 112760 edo kmliburutegia@gipuzkoa.eus helbide elektronikoa.
-
Astelehenetik ostiralera 8:30- 20:30
Larunbata: 8:30-14:00
Bilduma
KMK Liburutegiak liburu, aldizkari, CD, Interneti buruzko DVD, teknologia berri, programa informatikoetako tutorialak, argazki digitala, testu prozesadoreak, sistema eragileak eta abar biltzen dituen atal bat dauka, gai horietakoren bat hasteko nahiz horietan sakontzeko baliagarria dena.
Bestalde, NAN elektronikorako teklatua duten ordenagailuak daude. Bertan, identifikazio mota hori behar duten izapideak egin daitezke: Administrazio Publikoaren ziurtagiriak lortzea, dokumentuak digitalki sinatzea…
Dokumentuen kontsulta eta mailegua
Infotekaren ordenagailuak erabiltzeko, liburutegiaren txartela eduki behar da. Iragaitzazko erabiltzaileen kasuan, 3 egunez sartu ahal izango dira zerbitzuan nortasuna egiaztatzen duen edozein agirirekin. Gainera, beharrezkoa izango da aldez aurretik ordenagailu bat erreserbatzea Infotekan bertan, online inprimakiaren bidez edo telefonoz (943112793). Infoteka zerbitzuko ordenagailuak erabiltzeko baldintzei buruzko informazio gehiago nahi izanez gero, Liburutegiaren Araudia kontsulta daiteke.
Bestalde, hala nahi dutenek beren kontsulten emaitzak inprimatu edo kopia bat egin ahal izango dute, Liburutegiaren araudian ezarritako muga eta baldintzekin (ikus Erreprografiako baldintzak).
Kontsultatutako dokumentuak erreproduzitzeko (digitala edo paperezkoa), halaber, eskaera bat beharko da, eta Jabetza Intelektualari buruzko indarreko legeriaren mende egongo da (2/2019 Legea, martxoaren 1ekoa, Jabetza Intelektualaren Legearen testu bategina aldatzen duena). Kontserbazio egoerak ahalbidetzen duen dokumentuak bakarrik erreproduzitu ahal izango dira, eta inoiz ere ez aldez aurreko baimenik gabe.
Infotekaren dokumentuak kontsultatu, manipulatu eta erreproduzitzeari buruzko informazio gehiago Liburutegiaren Araudian dago.
