Koldo Mitxelena Kulturuneko obrak

Koldo Mitxelena Kulturuneko obrak

La hogeita hamar urtez martxan egon ondoren, Koldo Mitxelena Kulturunearen eraikina partzialki eraberritu behar da.

Koldo Mitxelena Kulturuneko obrak

Ogi-apurra

Zertan datza obra?

Zertan datza obra?

Obra eraikin osoari eragiten dion eraberritze partziala da, eta ezinbestekoa da ixtea.
Erreforma partziala da, eta eragin berezia du azken hogeita hamar urteetan higadura handiena izan duten eremuetan. Honela egingo da:

  • Eraikinaren estalkia berritzea eta haren azpian dauden instalazio guztiak ordeztea.
  • Alboko argi zuloak eraberritzea.
  • Fatxadak zaharberritzea

Gainera, obrak honetarako balioko du:

  • Komunikazio bertikala hobetzeko, eraikineko solairu guztiak komunikatuko dituzten bi igogailu berri jarrita.
  • Eraikineko solairu guztiak komunikatzeko aukera emango duen eskailera bat aldatzea.
  • Ganbara aretorako sarbidea berritzeko
  • Komunak eraberritzea, irisgarritasuna errazteko.
  • Eraikineko bigarren solairuan jendearentzako espazio berriak irekitzeko.
  • Hobekuntza orokorrak segurtasunean eta sarbideetan

Esku-hartze horri esker, Koldo Mitxelena Kulturuneak espazio eta zerbitzu gehiago eskaini ahal izango dizkio jendeari, irisgarritasuna eta komunikazioa hobetuz, eta, laburbilduz, ahalik eta jende gehienarentzako zerbitzurik onena lortzeko bidean aurrera eginez.

Obrako espazioak eta zerbitzuak.

Obrako espazioak eta zerbitzuak.

Koldo Mitxelena Kulturunearen eraberritze partzialak eraikin osoari eragiten dio, eta, beraz, ezinbestekoa da eraikina ixtea. Horregatik, obrak irauten duen bitartean, beste espazio eta ekipamendu batzuetan zerbitzuen eskaintzarik handiena ematen saiatuko gara.

Obrako espazioak

  • Liburutegia

    Berrikuntzak eta mailegua.

    Berritasun guztiak eta mailegatzeko moduko dokumentu guztiak (liburuak, komikiak, filmak, serieak, musika) eskuragarri egongo dira Mailegua-KMK-Préstamo-n, Errege-Erregina Katolikoen kaleko 16. zenbakian, KMKren ondoan. Beti bezala, nahi duzun materiala erreserbatu ahal izango duzu, eta erosketen iradokizunak egin.

    Ordutegia: astelehenetik ostiralera, 08:30etik 20:30era - larunbatetan 8:30etik 14:00etara
     

  • Infoteka, hemeroteka digitala eta funts historikoaren kontsulta

    Internetera sartzeko ordenagailuen erabilera eta prentsa digitalizatuaren kontsulta Villa Asuncion eraikinean dagoen espazio berrian egin ahal izango da, Donostiako Mirakruz gainean (Elosegi alkatea hiribidea, 275). Gune horretan bertan, funts historikoak kontsultatu ahal izango dira, hori bai, eskariaren arabera (egun batetik bestera).

    Ordutegia: astelehenetik ostiralera, 08:30etik 20:30era - larunbatetan 8:30etik 14:00etara.

  • Funts historikoa kontsultatzea

    Funts historikoa kontsultatu nahi dutenek, dokumentuak eskuragarri egon arte itxaron gabe, Gipuzkoako Artxibo Historiko Probintzialera ere joan daitezke, Oñatira (Ibarra Zelaia Zelaigunea, 4), eta material horiek bertan egongo dira obrak irauten duen bitartean.

    Ordutegia: astelehenena, asteazkena eta ostegun eta ostiraletan, 08:30etik 14:30era - asteartetan 8:30etik 18:00etara.

  • Areto nagusia

    Hitzaldiak, jarduerak, jardunaldiak... orain arte bezala egingo dira. Espazio berri batean, Donostiako Santa Teresa komentuko ekitaldi aretoan (Andereño Elbira Zipitria, 1; Gaztelubidetik ere sar daiteke, 2). Areto horren edukiera Koldo Mitxelena Kulturunekoa baino txikiago da, eta gehienez 70 pertsona sar daitezke bertara.

  • Erakusketak

    Une honetan ez daukagu erakusketak programatzeko espazio alternatiborik. Hala ere, beste kultur erakunde batzuekin lankidetzan, lanean jarraitzen dugu Koldo Mitxelena Kulturunean egin diren erakusketen modukoak sortzeko.

Bulegoak. Non aurki gaitzakezu?

Bulegoak. Non aurki gaitzakezu?

Bulegoak ere lekuz aldatu dira. Gurekin harremanetan jarri nahi baduzu, hemen adieraziko dizugu nola.

  • Liburutegia

    Liburutegiaren bulegoak Villa Asunción eraikinean egongo dira, Donostiako Miracruz gainean (Elosegi Alkatearen etorbidea, 275). Jendearen arretarako ordutegia: astelehenetik ostiralera, 8:30etik 14:00etara.

    Gainera, beti bezala, telefonoz eta posta elektronikoz jar zaitezke harremanetan.
     

  • Kultura Sustapena eta Hedapena

    Kultur Sustapena eta Hedapenaren Zerbitzuko bulegoak Donostiako Santa Teresa komentuan egongo dira (Andereño Elbira Zipitria, 1). Jendearen arretarako ordutegia: astelehenetik ostiralera, 8:30etik 14:00etara.

    Gainera, beti bezala, telefonoz eta posta elektronikoz jar zaitezke harremanetan.

  • K bulegoa

    Donostiako Santa Teresa komentuan kokatuko da K bulegoa (Andereño Elbira Zipitria, 1). Jendaurreko ordutegia astelehenetik ostiralera da, 09:00etatik 14:00etara, baina ordutegi horretatik kanpo artatzeko hitzordua eska dezakezu.

    Gainera, beti bezala, telefonoz jar zaitezke harremanetan: 943 11 33 43; eta posta elektronikoz: kbulegoa@gipuzkoa.eus

Obra kontatzen dizugu

Obra kontatzen dizugu

Obraren garapenaren berri emango dugu unean-unean.

  • 1. Urratsa:

    Erreforma partzialaren proiektua onartuta dago jada. Laster hasiko da obren lizitazio prozesua.